პროექტი - იგავ-არაკები

                                   

პროექტის  მთავარი  იდეა(თემა):მოსწავლეები  მოიძიებენ  ინფორმაციას  ეზოპეზე,  ლაფონტენზე,  სულხან-საბა  ორბელიანზე,  კრილოვზე,  გაეცნობიან,  შეისწავლიან  და  შეადარებენ  მათ  იგავ-არაკებს,  იმსჯელებენ  დღესაც  აქტუალურია  თუ  არა  იგავებში  შეფარულად  გადმოცემული  საკითხები.

პროექტის   აქტუალობა:პროექტზე  მუშაობისას   მოსწავლეები  განივითარებენ   ინფორმაციის   მოძიების,  ანალიზისა  და  წარმოდგენის  უნარებს.

პროექტის  მიზნები: მოსწავლეებში  დამოუკიდებელი  მუშაობის,  თანამშრომლობის,  კომუნიკაციის,დისკუსიის  უნარ-ჩვევების  განვითარება,საკუთარი  აზრის  ჩამოყალიბება,  ცოდნის  გაღრმავება,  ინტერესის  გაღვივება  იგავ-არაკების  მიმართ,  გამოფენაში  მონაწილეობა,  თანამშრომლობა,  პრეზენტაციების  შექმნა.

მოსალოდნელი  შედეგები: მოსწავლეები  საფუძვლიანად  შეისწავლიან  ლიტერატურულ  ნაწარმოებებს-იგავ-არაკებს,  შექმნიან  თვალსაჩინოებებს,  გააკეთებენ  პრეზენტაციას,  სლაიდებს.

მოსწავლეთა  ასაკი:14-15 წელი.

ვადები, ხანგრძლივობა: 1-თვე.

პროექტის  შესაძლო  აქტივობები  კლასში:  ძიება,  მოსმენა,  სწავლა,კითხვა,წერა,აღწერა,შედარება,  ხატვა.

პროექტის  აღწერა:  მოსწავლეები  მოიძიებენ  სულხან-საბა  ორბელიანის,  ეზოპეს,  კრილოვის,  ლაფონტენის  ცხოვრებისა  და  მოღვაწეობის  შესახებ,  ისწავლიან  ზეპირად  ან  მხატვრულად  წაიკითხავენ  იგავ-არაკებს,  შეადარებენ  მათ,  ნახავენ  იგავ-არაკების  მიხედვით  გადაღებულ  მულტიპლიკაციურ  ფილმებს.  მოსწავლეები  შეეცდებიან  დაწერონ  იგავ-არაკი  ან  ესე(10-15 წინადადება),  შეძლებენ  აღწერონ  და  დახატონ  ცხოველები  ან  ნივთები,  რომლებიც  ნახსენები  არიან  ნაწარმოებებში,  გააკეთონ  თვალსაჩინოებები,  მოაწყონ  გამოფენა,  კომპიუტერის  მეშვეობით  შეუძლიათ  ააწყონ  პრეზენტაცია.

პროექტისათვის  საჭირო  ძირითადი  რესურსები:   კომპიუტერი,  იგავ-არაკების  კრებულები,  ფურცლები,  საწერი  კალამი.

საგნებთან |საგნობრივ  ჯგუფებთან |  ეროვნულ  სასწავლო  გეგმასთან  კავშირი :

მოსწავლე  იღრმავებს  ცოდნას,  უსმენს,  გამოთქვამს  საკუთარ  აზრს,  თანამშრომლობს,  ეცნობა  და  კითხულობს  ნაწარმოებს,  ასევე  შესაძლებელია  იყოს  კავშირი  სხვა  დისციპლინებთანაც.

ენები:  რუსული.

სამოქალაქო  განათლება: აზრის  ურთიერთპატივისცემა,  ერთმანეთის  მიმართ  ტოლერანტობის  გამოჩენა,  ქცევის  კულტურის  შესწავლა,  ტრადიციების  გაცნობა.

საბუნებისმეტყველო  საგნები:  მაგ.  იგავ-არაკებში  აღწერილ  ცხოველების  და  საგნების  განხილვა  და  შესწავლა.

ხელოვნებათმცოდნეობა: ხატვა,  როლური  თამაში,  მუსიკის  მოსმენა.

პროექტის  ხელმძღვანელი:  იზა  ცხაკაია,  ქალაქ  წყალტუბოს  #1 საჯარო  სკოლის   ქართული  ენისა  და  ლიტერატურის  მასწავლებელი.

СУЛИКО სულიკო Suliko Georgian Song

ჩემს შესახებ

მე  ვარ  იზა  ცხაკაია.  სურვილი  მაქვს, რომ  გაგეცნოთ.